వీధి కుక్కల స్వైర విహారం... రాక్షస దాడి...

Telugu Rekha Media - కథనాలు / : గత కొన్ని నెలల నుండి రాష్ట్రంలో ఏదో ఒక మూలన వీధి కుక్కల దాడిలో చిన్నారులు పెద్దలు గాయాల పాలైన మరియు మృతి చెందిన సందర్భాలు కోకొల్లలు. నేడు కరీంనగర్ జిల్లాలో ఇంటి ముందు ఆడుకుంటున్న 18 నెలల బాలుడిపై వీధి కుక్క చేసిన దాడిలో తీవ్రంగా గాయపడ్డాడు. ఆ బాలుడి తల్లి గమనించి వెంటనే వీధి కుక్క దాడి నుండి కాపాడటం వలన ఒక పసి ప్రాణం దక్కింది.. వీధుల వెంట గుంపులుగా వీరవిహారం చేస్తూ ప్రజలు ఒంటరిగా బయటికి వెళ్లాలంటేనే భయభ్రాంతులకు గురి చేస్తున్నాయి.. ఇంటి ముందు ఆడుకునే పిల్లలు, ఇంట్లో ఉయ్యాలలో ఉన్న పిల్లలు మరియు చిన్న, పెద్ద తేడా లేకుండా కుక్కల దాడికి గురవుతున్నారు. ఇటీవల వీధి కుక్కల గుంపు దాడిలో పటాన్చెరులో ఆరేళ్ల చిన్నారి ప్రాణాలు కోల్పోయింది... ఇంట్లో నిద్రిస్తున్న వృద్ధురాలు తలను పీక్కు తిన్న సంఘటన ... ఉయ్యాలలో ఉన్న నెలల చిన్నారిని ఎత్తుకెళ్లి కొరికేసిన సంఘటనలు ఉన్నాయి. వీధి కుక్కల ఆకలి రక్కసికి చిన్నారులు బలి అవుతున్నా ప్రభుత్వాధికారులు తీసుకోవాల్సిన చర్యల్లో మాత్రం విఫలమవుతున్నారు...

లోకల్ యాడ్స్